Mien Pierd hett Kolik

 

 

Mien Pierd hett Kolik
Schuldt dröppt sien ollen Fründ Kräuger.
„Stell di eis vör, mien nieget Pierd is doch noch gornich olt un hett all Kolik.“
„Ach, dat is doch nich schlimm.
Kolik hett mien Pierd ok eis hat.“
„Un wat hest du mit em makt?“
Kräuger vertellt:
„ Ick heff em Terpentin gäben.“
Nah ‘ne Woch seihn de beiden sick wedder.
 „Du, Kräuger, mien Pierd is dotbläben.
Dat kunn keen Terpentin nich verdragen.“
„Jo“, secht de. „Mien Pierd dormals ok.“